തള്ളക്കോഴി അടയിരുന്നു വിരിയിയ്ക്കും പോല്
ഞാനെന്നില് തന്നെ അടയിരുന്നു വിരിയിച്ചവ!
തള്ളക്കോഴി ചിക്കിച്ചികഞ്ഞൂട്ടും പോല്
ഞാനവയെ ചിന്തിച്ചൂട്ടി വളര്ത്തിപ്പോന്നവ!
തള്ളക്കോഴി തന്ച്ചിറകിന്നടിയില് ഒളിപ്പിച്ചപോല്
ഞാനവയെയെന് മനസ്സിനുള്ളിലൊളിപ്പിച്ചവ!
തള്ളക്കോഴി കുഞ്ഞുങ്ങളെ കൊത്തിയാട്ടും പോല്
ഞാനവയെ പലവട്ടം കൊത്തിയാട്ടാന് നോക്കിയവ!
തള്ളക്കോഴി തന് കുഞ്ഞുങ്ങള് തനിയെ വളര്ന്നു,
എന്റെ സ്വപ്നങ്ങള് തളര്ന്നുകിടന്നു വളരാതെ
തനിയെ വളരുവാനാകാതെന് സ്വപ്നങ്ങള്
തിരിച്ചുവന്നെന് ചുറ്റിലും കരഞ്ഞു പിന്നെയും
ഊട്ടിയൂട്ടി പിന്നെയും വളര്ത്തി ഞാനവയെ
പിന്നെയും പുതിയവയ്ക്കടയിരിയ്ക്കുമ്പോളും
തള്ളക്കോഴിക്കോഴിയോളം വളര്ന്ന കുഞ്ഞുങ്ങള്
തള്ളയില് തന്നെയടിക്കടി ഇണ ചേരും പോല്
തള്ളുവാനാവാത്തിടത്തോളം വളര്ന്നൊരെന് സ്വപ്നങ്ങള്
എന്നില് തന്നെ രതിമൂര്ച്ചയടയുന്നു നിത്യം!
1 comments:
ആരോ കാണുന്ന ഒരു സ്വപ്നം
Post a Comment