ദൈവത്തോട്!

1.ദൈവമേ, അരുമകള്‍ ഓടിനടന്നിടുമെന്നുദ്യാനം

  ദയാപുരസ്സരം കാക്കണേ!

2.ദൈവമേ, പെരുമകള്‍ നിറഞ്ഞ കാരുണ്യമഴയതില്‍

  ദിനവുമത്തോട്ടം നനച്ചീടണേ!

3.ദൈവമേ, അനുദിനം നിറയുന്ന ദുരിതക്കടലതില്‍

  ഒരു മരത്തടി നീയതാകണേ!

4.ദൈവമേ, കാത്തുകാത്തിരുന്നയോരോ ദിനവും പൊഴിയവേ

  ഒരു ദിനം നീയെനിക്കായേകണേ!

5.ദൈവമേ, ഹസിച്ചിടുവാനുടനുടനോരോരോ കാരണങ്ങള്‍

  ദിനവും നീയെനിക്കായേകണേ!

6.ദൈവമേ, അറിയാതെ ഞാന്‍ പറയുന്ന വാക്കുകളോരോന്നും

  പിഴയ്ക്കാതെ നീ കാക്കണേ!

7.ദൈവമേ, അറിവുകള്‍ കുറുക്കിയെടുത്താര്‍തല്‍ തരും

  പെരിയയറിവാക്കി നല്‍കണേ!

8.ദൈവമേ, അതിരുകള്‍ തീര്‍ക്കും മനസ്സിന്നതിരുകളെല്ലാം

  നീ പൊളിച്ചുനീക്കണേ!

9.ദൈവമേ, ഈ ദേഹമെനിക്കൊന്നുമല്ലെന്നറികിലുമതു

  തളര്‍‍ന്നീടാതെന്നും നീ കാക്കണേ!

10.ദൈവമേ, അതിദൂരമതിവേഗമനവധി വഴി തെറ്റാതെ

  അനുദിനമെന്നെ വഴി നടത്തണേ!

11.ദൈവമേ, ഭൂതത്തെ മറന്നിടാതെ വര്‍ത്തമാനവും കണ്ടു ഭാവിയെ കരുതി

  പകയ്ക്കാതിരിക്കാനെന്നെ കാക്കണേ!

12.ദൈവമേ, അറുതിയായിടും ജന്മമെന്നുടെയെന്നെങ്കിലും

  ത്ധടിതി നീയൊടുക്കീടണേ!

———————***********———————-