Wednesday 11 September 2013

ഉള്ളമുള്ളവര്‍ക്ക് …….


ഉള്ളതില്‍ കുള്ളന്‍ ഞാനാണെങ്കിലും

ഉള്ളതില്‍ വലിയവന്‍ ഞാനാണെന്ന് ഞാന്‍ !

ഉള്ളതില്‍ ചന്തം കുറഞ്ഞവനെങ്കിലും

ഉള്ളത്താല്‍ ചന്തം തികഞ്ഞവനെന്നു ഞാന്‍!


ഉള്ളതല്ല നാം നിനയ്ക്കേണ്ടൂ

ഉള്ളത്തിലുല്ലാസം നിറയ്ക്കുവാന്‍,

ഉള്ളോര്‍ക്കുള്ളം നിറയ്ക്കുവാനുള്ളത്തില്‍

ഉള്ളം നിറയെ നമ്മളെ തികഞ്ഞവനാക്കണം!


ഉള്ളവനില്ലാത്തവനെന്നൊക്കെ നമ്മള്‍

ഉള്ളിടത്തോളം അളന്നും ഗുണിച്ചും

ഉള്ളങ്ങളെ തീര്‍ത്തും തകര്‍ത്തും

ഉള്ളിടം തേടിയലഞ്ഞു നടക്കുവോര്‍!


ഉള്ളിലുല്ലാസം നിറച്ചുള്ളവര്‍

ഉള്ളിലുന്മാദം തുള്ളുവോര്‍ ,

ഉള്ളതെന്നോയില്ലാത്തതെന്നോ നോക്കാതെ,

ഉള്ളയുലകമുത്തമ മാക്കുവോര്‍!


ഉള്ളിടത്തോളമുലകത്തെ സേവിപ്പോര്‍

ഉള്ളടക്കവും മെയ്യടക്കവുമുള്ളവര്‍ !

ഉള്ളിടത്തോളമുത്തമര്‍ ചേര്‍ന്നത്രേ

ഉള്ളയുലകത്തെയുത്തമമാക്കുന്നു!


ഉള്ളയാള്‍ ഞാനില്ലെന്നു പറയുന്നു

ഉള്ളതാണെങ്കിലുമല്ലെങ്കിലും

ഉള്ളിടത്തോളമുള്ളം ശുദ്ധമാകണം

ഉള്ളം നിറഞ്ഞു സ്നേഹിക്കണം നിശ്ചയം!


..............................................സുമേഷ്

4 comments:

സൗഗന്ധികം said...
This comment has been removed by the author.
സൗഗന്ധികം said...

ഉള്ളത് തന്നെ.

നല്ല വരികൾ.

ശുഭാശംസകൾ....

ajith said...

കവിതയ്ക്ക് ഉള്ളുണ്ട്

ബൈജു മണിയങ്കാല said...

ഉള്ളത് ഉള്ളത്തിൽ നിന്ന്കൊള്ളാം

Post a Comment