വെറുക്കാന്‍ പഠിക്കുന്നീ വെറും വാക്കിനെ!
==============================
ഉണ്ണിയോടുള്ളത്ര സ്നേഹമച്ചനെന്നോടില്ലെന്നു മകള്‍ പരാതി പറയുന്നു
മകളോടുള്ള സ്നേഹം തന്നോടില്ലെന്നു ഭാര്യ പരാതി പറയുന്നു!
ഭാര്യയോടുള്ള സ്നേഹം തന്നോടില്ലെന്നു അമ്മ പരാതി പറയുന്നു
അമ്മയോടുള്ളത്ര സ്നേഹം തന്നോടില്ലെന്ന്‍ അച്ഛന്‍ പരാതി പറയുന്നു
പരാതികള്‍ക്കടിസ്ഥാനം ഏതാണ് അളവുകോലെന്ന് എനിക്കറിയില്ല..
നിങ്ങള്‍ക്കറിയാമോ കൂട്ടരേ? എങ്കില്‍ പറഞ്ഞുതരൂ..
എല്ലാവര്‍ക്കും തുല്യമായിട്ടെനിക്കൊന്നു പങ്കു വെയ്ക്കണം
മകന് മാത്രം പരാതിയൊന്നുമായിട്ടില്ല..പറയാതി
ആരെയാണ് കൂടുതലിഷ്ടമെന്ന ചോദ്യത്തിനു ..
എനിചെല്ലാവരെയും ഒരു പോലെയിഷ്ടമെന്ന
കിളിക്കൊഞ്ചല്‍ കേട്ടെന്താണ് മനസ്സിലാക്കേണ്ടത്?
അവനും നല്ല നയതന്ത്രം പഠിച്ചിരിയ്ക്കുന്നു ...
അവന്റെ വാക്കിലെല്ലാവര്‍ക്കും സന്തോഷമാണ്
എന്റെ വാക്കിനെന്താണ് ഒരു മുഖവിലയുമില്ലാത്തതു?
"സ്നേഹം" ചിലപ്പോളെക്കെ അരോചകമായ വാക്കായ്
മാറുമ്പോള്‍, ഞാന്‍ വെറുക്കാന്‍ പഠിക്കുന്നീ വെറും വാക്കിനെ
1 comments:
ഞാനും വെറുക്കാന്‍ പഠിക്കുന്നീ വെറും വാക്കിനെ..
Post a Comment