കരിന്തിരിയായ് കത്തുന്നു വെറുതെ ഞാന്!
അല്പമാത്രമീ
ജന്മമൊടുങ്ങട്ടെ,നിന് ജീവശ്വാസത്തില്
പോലുമേ!
ഇനിയുമെരിക്കാന്
നോക്കെണ്ടയീ കരിന്തിരി..
എരിഞ്ഞുതീരട്ടെ
ഞാന് വെറും നശ്വരന്!
ഭഗവത് സമക്ഷം സമര്പ്പിക്കപ്പെട്ട
ഞാന്
കൃതാര്ത്ഥനാണില്ല,
ഖേദമൊട്ടുമേ
വ്യുല്പ്പത്തിയ്ക്കായ്
ചേര്ക്കുകയെന്റെ പ്രകാശവും..
ഈ ചാരമെടുത്തു
നെറ്റിയില് ചാര്ത്തികൊള്ക നീ!
അല്ലെങ്കില്
നിത്യനിര്ജ്ജരിയില് ലയിപ്പിക്കുക
ഭൂതങ്ങളായ്,നിന്നിലേക്ക്
തന്നെ മടങ്ങിയെത്താം ഞാന്!
വെറുമീ
കരിന്തിരിക്കും മോഹങ്ങളുണ്ടെന്നറിയാതെ
പോയതെന്തേയിളംകാറ്റേ!?
അറിഞ്ഞിട്ടും
അറിയാതെ പോയതോ?
പെയ്യുക പെയ്യുക
മഴക്കാറെ,
എന്റെ മോഹങ്ങള്ക്ക്
മീതെ
നീ കൂടെ
പെയ്തൊഴിയുക!
0 comments:
Post a Comment